తత్త్వపూర్ణము, సాహిత్యపూర్ణము అగు శ్రీమద్భాగవతము భారతదేశమునకు చెందిన విస్తారమగు వాఙ్మయములో ప్రముఖ స్థానమును అలంకరించియున్నది. భారతదేశపు కాలాతీతజ్ఞానము వేదములలో తెలుపబడినది. సంస్కృతభాషలో లిఖించబడిన అట్టి వేదములు మానవవిజ్ఞానానికి చెందిన అన్ని రంగములతో సంబంధములను కలిగియున్నవి. ఆదిలో శ్రవణవిధానము ద్వారా భద్రపరుపబడిన ఆ వేదములు తొలిసారిగా గ్రంథకర్త అవతారమైన శ్రీల వ్యాసదేవునిచే గ్రంథస్థము కావించబడినవి. వేదరచనము పిమ్మట శ్రీల వ్యాసదేవుడు తన గురుదేవుని ప్రేరణ చేత వాటి సారమును శ్రీమద్భాగవతముగా రచించినాడు. వేదతరువుకు పండిన ఫలముగా తెలియబడెడి ఈ శ్రీమద్భాగవతము వేదజ్ఞానమునకు పరమపూర్ణమును, ప్రామాణికమును అగు వివరణమై యున్నది. దివ్యమైన గోలోకబృందావనము చేరుటకు శ్రీమద్భాగవతము మనకు సహాయము చేయగలదు. ఆ ద్వారము సర్వుల కొరకు తెరువబడియున్నది. మహోన్నతమగు పరిపూర్ణత్వమైనట్టి ఆ ప్రత్యేకమగు లక్ష్యసాధనకే మానవజీవితము ఉద్దేశింపబడినది.